Badge blog-user
Блог
Blog author
Milena Cotliar

З Днем Незалежності, Україно!

24 Августа 2015, 09:22

З Днем Незалежності, Україно!

Статистика Постов 404
Перейти в профиль

f8a794af557a.jpg

Колиси
то ся жило
не было стресов
и судов
не было
выстарчила сокыра
и злость
хлопска щира
и жило ся
як в небѣ
вшытко векше
было
день был
векшый
радость
векша
а уж клопоты
то жадны
не были
коса
смерть
порядкы правила
тогды была
сила
того доброго
свѣтили свѣчкы
як глядали
злого
а як легко
было
найти
скарбы
и пригоду
и смерть
для гонору
колиси
был еден
выбор
не было
иншого выбору

Павел Стефановскый


7ee48381c402.jpg



В автобусѣ
до Нового Торгу
ѣхала Циганка
познал ем ей
не по волосах
колорѣ
и пигментѣ
застараной твари
а по убори
Боже мой
колько в ней давнины
в задумѣ
в смотреню
в укрытых мыслях
велькых красных очи
в устах
стуленых
в безруху
и в наглом пробуженю
ку клопотам
з тугы
за минулым
Цигана
за пѣснев
подорожнов
колысков
табору
грай ми
Цигане
грай
бо не вижу
будучности
без тону
болю минулого
гусель
треба нам лѣта
думала Циганка
добрѣ
 же уж май
добрѣ
 же минула ноч
же близко
до рана
же нова подорож
знов втѣшит Цигана
и хоть уж осѣли
в домѣ
гварят
в штырех
стѣнах
замкненых
на ключи
кто
днесь зрозумѣе
тайны повный
клич
предков
так силный
по вѣках
во внутри
Цигана
на твари
на вѣчках
Циганкы
в ей волосах
заплаканой
вербы
_______
(1980)
Жерело: Лем. Лемковина 1991. 56–57
Стефановскый Павел /Стефанівський Павло/
util